DENDE ANOVA RIBADUMIA OPOÑEMONOS A CESIÓN DA XESTIÓN DO SERVIZO DE RECOLLIDA DO LIXO A DEPUTACIÓN.

Consideramos que esta cesión suporá, co convenio na man, unha suba directa no recibo do lixo, e a privatización dun servizo ata agora público.

 

No pleno celebrado a xoves da semana pasada, o PP de Ribadumia aprobou a adhesión do Concello de Ribadumia ao servizo provincial de xestión da recollida do lixo que está a promover a Deputación de Pontevedra. ANOVA quere manifestar publicamente a súa oposición a esta cuestión por varios motivos.

Isto non deixa de ser outro paso mais na liña que esta a manter o Partido Popular de dar competencias a Deputación, en detrimento dos concellos, cando as Deputacións son uns órganos que deberían desaparecer porque ademais de ser totalmente anacrónicos no noso sistema político actual, son totalmente antidemocráticos, pois os cidadáns non elixen a súa dirección, nin polo tanto quen manexa os seus fondos e actividades, que pagamos todos,  ademais de estar, especialmente no caso da Deputación de Pontevedra, ó servizo do Partido Popular e dos seus intereses partidistas. Pero é que ademais, no caso deste convenio concreto, dáse a circunstancia de que o asinalo non se esta conseguindo ningún tipo de melloría para os veciños de Ribadumia, senón todo o contrario:

En primeiro lugar porque o concello perde todo o dereito a decidir, tanto sobre a xestión do servizo, como sobre a aplicación de taxas. Non hai máis que revisar a clausula 2 do citado convenio de adhesión, no apartado d) para poder comprobar como incluso corresponderia a Deputación decidir sobre “as rutas e calendarios de recollida”, as condicións da prestacións e incluso a localización dos contenedores !!!! deixando ao Concello sen ningunha opción sobre estes temas....

Tamén no convenio se especifica que en canto a deputación asuma o servizo vaise producir unha suba na taxa do lixo, establecendo de prazo ata 2016 para a mesma. citamos directamente o estipulado no convenio : (pax 3, último parrafo e primeiro da pax 4):

 E decir, que os veciños de Ribadumia veremos aumentado o recibo do Lixo aproximadamente no doble do que pagamos neste momento, a pesares de pagar outros impostos municipais como o IBI ou o de IVTM que tamen son dunha cuantía moi elevada en comparación con outros concellos do Salnes....

Por outra banda, este convenio da paso a conseguinte privatización do servizo, ata agora público, que pasara a ser realizado por unha empresa designada pola Deputación de Pontevedra, que será finalmente quen marque os custes e se ocupe do servizo, repercutindo isto non so no prezo do servizo, se non tamén na calidade das condicións laborais dos traballadores, que quedaran en mans da empresa concesionaria.

(pax 8 do convenio):

Dende Anova non podemos apoiar que se actúe desta maneira, aloxando a xestión do servizo dos veciños, eliminado a capacidade do concello de participar e de actuar sobre o mesmo servizo, quedando así expostos ás decisións da deputación e da empresa concesionaria, a unha importante suba da taxa e a posible merma na calidade do servizo.  Non hai máis que ver o que está a pasar estes días en Madrid con traballadores que teñen que loitar polos seus dereitos e por manter unha calidade no servizo a base de folgas moi molestas para todos os veciños, que mentres  tanto deben seguir pagando a taxa puntualmente.

Tendes a continuación o Convenio coa Diputación.