Enrique Oubiña,
concelleiro da corporación municipal de Ribadumia e membro da agrupación local
de ANOVA Irmandade Nacionalista en Ribadumia, vai a presentar unha moción,
solicitando que sexa tratada con carácter de urxencia no próximo pleno da
corporación municipal a celebrar o xoves da semana próxima, na que solicita que o Concello aprobe unha partida
destinada a pagar as matriculas dos estudantes que se viron perxudicados polo
recente Decreto do Ministerio de Educación en materia de becas
O pasado dous de Agosto
o Consello de Ministros aprobaba o Real Decreto que inclúe os novos requisitos
do programa de becas. Un decreto que esquece que a principal función das becas que se conceden ós estudantes é a de
facilitar a igualdade de oportunidades entre todos os alumnos. Este
Real Decreto endurece os requisitos económicos das familias e establece uns
requisitos académicos máis esixentes . De
feito as previsións económicas do propio goberno para o curso 2013-2014 son de
200 millóns de euros menos que as previsións para o curso 2012-2013
Así, independentemente
de cal sexa a nota de corte de calquera carreira, o decreto do PP obriga a
conseguir unha nota mínima do 6,5 nas probas de acceso para a consecución de
beca económica e con respecto aos factores económicos, baixa o importe das
becas e redúcense os ingresos máximos
polos que se cambia e umbral de renta, perdendo o dereito a percibir a beca
xeral: de tal xeito que, por exemplo, no
caso dunha nai solteira con un único fillo en idade universitaria, que ingresase
máis de 8.000 euros anuais (menos de 700 € o mes), o seu fillo xa non recibiría
a beca xeral... Ou unha familia tipo (4
membros) que ingresase máis de 1.250€ o mes, tampouco poderia acceder aos
1.500 € de beca.
En ANOVA preguntámonos
se é así como se favorece que as persoas que carezan de medios económicos para
poder estudar o fagan de igual modo?, se é así como se asegura a igualdade de
oportunidades de quenes teñen vocacións e aptitudes?
Este Decreto foi rexeitado
por moitos estamentos neste país, dende os propios estudantes, mestres,
reitores de universidades, pais e demais
partidos políticos. De feito,
incluso o propio Consello do Estado recriminou o PP a falta dun
estudio profundo do Ministerio de
Educación sobre as consecuencias para a igualdade de oportunidades
e a mellora do rendimento do alumnado que teria esta lexislación.
Outro
dato interesante, e nada partidista: Según a Conferencia de Rectores das
Universidades Españolas (CRUE), 80.000 alumnos con poucos recursos poderían
quedarse fora da universidade por non poder facer fronte o pago da matricula e
quedar excluidos das axudas pola aplicación deste novo Decreto.
Dende
o grupo local de Anova, cremos que o
acceso a formación e un dereito que non debe ser pisado por accións ideolóxicas
como este decreto e consideramos que non deberiamos permitir que ningunha
persoa se quedara fora do acceso a sua formación por un simple factor
económico. Por isto presentamos unha moción para solicitar que o Concello de
Ribadumia habilite unha partida
económica destinada a cubrir os gastos de matricula e de taxas universitarias daquelas persoas que
debido o Real Decreto 609/2013, do 2 de agosto, perderan o seu dereito a beca
ou a exención das tasas de matriculación.
Non pode ser que
vivamos nun Concello que pode permitirse pagar 420.000 Euros en terreos para
facer o 4º campo de fútbol de herba artificial, gastar mais de 30.000 euros en
festas varias no verán ou 10.000 en gastos de promoción e publicidade e logo
non poida destinar 4.000 ou 5.000 euros a axudar a familias que queren que os
seus fillos estudien e non poden acceder á exención das taxas ou ao sistema de
becas por culpa dunha lei inxusta, QUE NO FONDO PERSEGUE UNHA ACCIÓN
IDEOLÓXICA, “QUE SÓ ACCEDAN A ESTUDIOS SUPERIORES AQUELES QUE POIDAN PAGALOS”…
